Вежби за синдром на Карпал тунел

Пациентите со синдром на карпал тунел треба да прават вежби кои му помагаат на медијалниот нерв да се движи слободно во границите на карпалниот тунел. Вежбите се прават паралелно или во комбинација со имобилизација. Во продолжение ви даваме вежби за истегнување и вежби со отпор за зајакнување на мускулатурата, кои се важни за да се спречи повторна појава на симптомите.

Вежбите се состојат од две фази. Во првата фаза се работат вежби за истегнување на флексорната и екстензорната мускулатура на подлактицата, како и шаката. Вежбите за истегнување на мускулите околу зглобот можат да помогнат да се провери дали тетивите што минуваат низ карпалниот тунел се во добра состојба. Повреди на тетива понекогаш можат да предизвикаат синдром на карпален тунел.

ВЕЖБА БР. 1
Истегнување на екстензорната мускулатура на подлактица:

  • Исправете ја болната раката и свиткајте го вашиот зглоб како да сигнализирате кон некого „Застани“
  • Користете ја спротивната рака за нежно да притиснете низ дланката и повлечете кон вас сè додека не почувствувате напрегање во внатрешноста на подлактицата
  • Држете ја таа позиција 15 секунди
  • Направете ја истата вежба 5 пати, а потоа повторете ја со другата рака

ВЕЖБА БР. 2
Истегнување на флексорната мускулатура на подлактицата:

  • Исправете ја болната рака со дланката свртена надолу и свиткајте го зглобот така што прстите да се насочени надолу
  • Нежно повлечете ја раката кон вашето тело сè додека не почувствувате истегнување нанадвор од подлактицата
  • Држете ја таа позиција 15 секунди
  • Повторете 5 пати, а потоа направете го истото со другата рака

ВЕЖБА БР. 3
Ослободување на нервот медијанус:

  • Направете тупаница со тоа што палецот да ви биде надвор од прстите (1)
  • Испружете ги прстите додека го држите палецот е во иста позиција (2)
  • Држете ги прстите исправени и продолжете го зглобот (свиткајте ја шаката наназад кон подлактицата) (3)
  • Држете ги прстите и зглобот во положба и испружете го палецот (4)
  • Држете ги прстите, зглобот и палецот продолжени и свртете ја дланката на подлактицата (како да носите нешто на неа) (5)
  • Држете ги прстите, зглобот и палецот и користете ја другата рака за нежно да го истегнете палецот (6)

ВЕЖБА БР.4
Истегнување на мускулатурата на шаката:

  • Со раката исправена пред вас како и зглобот директно, целосно исправете ги сите прсти (1)
  • Свиткајте ги врвовите на прстите во положбата „кука“ (2)
  • Направете тесна тупаница со палецот над прстите (3)

ВЕЖБА бР. 5
Јакнење на мускулатурата на подлактицата
Оваа вежба може да се вежба со тегови или мека топка.

  • Ставете ја подлактицата на рамно (на пример маса) а дланката над работ држејќи тежина (на пример тег)
  • Свиткајте ја раката во зглобот полека и задржете броејќи до 5, потоа вратете ја раката во нормална положба
  • Свиткајте ја раката во зглобот во обратна насока и задржете броејќи до 5

ВЕЖБА БР.6
Јакнење на мускулатурата на подлактицата
За оваа вежба се потребни еластични ленти. Вежбата се повторува со отпорот кон сите страни на движење.

  • Седнете потпрени напред со нозете малку раширени. Потоа, ставете ја подлактицата на бутот и зглобот пред коленото
  • Фатете го едниот крај на лентата за вежбање со дланката надолу. Другиот крај го згазнувате
  • Полека свиткајте го зглобот нагоре со и задржете броејќи до 4. Потоа полека спуштете го зглобот
  • Повторете ја вежбата 8 до 12 пати

ВЕЖБА БР. 7
Јакнење на екстензорната мускулатурата на прстите

  • Прстите ги ставате во отворот на помагалото
  • Ја отварате дланката односно прстите
  • Ги движите прстите во сите можни правци

ВЕЖБА БР. 8
Јакнење на флексорната мускулатура на прсти

  • Стиснете го топчето со сите прсти
  • Поединечен стисок само со палецот
  • Стиснете со секој прст поединечно
  • Ставете го топчето на тврда подлога и пристиснете над него со прстите
  • Ставете го топчето помеѓу два прста и стиснете го

*Сите вежби се повторуваат неколку пати во текот на денот.

За вежбите ви се потребни следниве производи: Силиконско топче, Ластици за шака, Еластични ленти со отпор и Тегови.

Совет 1: Започнете полека и внимателно. Доколку не сте сигурни дали вежбата е соодветна за вас, консултирајте се со вашиот лекар.

Совет 2: Ако ги правите овие вежби, запомнете дека ова не треба да изгледа како одење во теретана за да ослабнете и да добиете мускулна маса. Заборавете на изреката „без болка нема резултат“. Ако боли, одморете се и не напнувајте, зошто може само да ги влошите симптомите. Ставете топла облога на раката 15 минути пред да почнете со вежбите. По завршување на вежбите ставете ладна облога за да превенирате воспаление.

Автор: Сашо Цветановски – физиотерапевт

За сите прашања во врска со ортопедските производи пишете ни на: sovet@medicushelp.com.mk
Нашиот стручен тим од доктор и физиотерапевт ќе ви одговорат.

Social media & sharing icons powered by UltimatelySocial